Ilmiy kengash faoliyati

Institutning oliy organi ilmiy kengash bo‘lib, uning tarkibiga direktor, ilmiy ishlar bo‘yicha direktor o‘rinbosarlari, ilmiy kotiblar, Fanlar akademiyasining haqiqiy a’zolari (akademiklari) va boshqa yetakchi olimlar, zarurat bo‘lganda, yordamchi bo‘limlarning bosh mutaxassislari, Yosh olimlar kengashi raisi, shuningdek kasaba uyushmasi vakili kiradi.
Ilmiy kengash tarkibiga boshqa tashkilotlarda ishlaydigan yetakchi olim va mutaxassislar kiritilishi mumkin.
Ilmiy kengashning shaxsiy tarkibi direktorning taklifiga binoan O‘zbekiston Respublikasi Fanlar akademiyasi Hay’ati tomonidan besh yilgacha bo‘lgan muddatga (direktor vakolatlari doirasida) tasdiqlanadi.
Ilmiy kengashning raisi institut direktori, u bo‘lmaganda ilmiy ishlar bo‘yicha direktor o‘rinbosari hisoblanadi; akademik kotib — institut akademik kotibi.
Ilmiy kengash:
• tanlov mavzulari va ilmiy-tadqiqot, tajriba va tajriba-konstruktorlik ishlarining tematik rejalari loyihalarini, ilmiy kadrlar tayyorlash prognozlarini, yig‘ilishlar va konferensiyalar o‘tkazish dasturlarini ko‘rib chiqadi va tasdiqlaydi; • o‘zining barcha asosiy bo‘linmalarida va umuman institutda ilmiy va ilmiy-tashkiliy faoliyatning eng muhim natijalari to‘g‘risidagi hisobotlarni ko‘rib chiqadi va tasdiqlaydi;
• institut tuzilmasidagi o‘zgarishlar bilan bog‘liq masalalarni muhokama qiladi;
• eng muhim ilmiy muammolarni belgilaydi, ilmiy hisobotlarni eshitadi va eng muhim ilmiy ishlar natijalarini baholaydi;
• institut xodimlarining ilmiy ishlarini tahririy tayyorlash rejalarini ko‘rib chiqadi va nashrga tavsiya qiladi;
• respublikaning boshqa ilmiy muassasalari va xalqaro tashkilotlar bilan hamkorlik rejalarini amalga oshirishni muvofiqlashtirish masalalarini muhokama qiladi;
• ilmiy kadrlar tayyorlash va ularning malakasini oshirish bilan bog‘liq masalalarni muhokama qiladi;
• institutga katta ilmiy xodim-izlanuvchilarni (doktorantlarni) va institutga mustaqil talabgorlarni qabul qilishni tasdiqlaydi, doktorlik dissertatsiyalari mavzularini, doktorantlar va talabgorlarning ish rejalari va hisobotlarini ko‘rib chiqadi va tasdiqlaydi;
• ilmiy-tadqiqot bo‘limlari rahbarlari va tanlov loyihalari, tadqiqot guruhlari, boshqa tarkibiy bo‘linmalar rahbarlari, shuningdek, alohida ilmiy xodimlarning hisobotlarini eshitadi;
• ixtisoslashtirilgan dissertatsiya himoyasi kengashlarini tuzadi, tasdiqlash uchun taqdim etadi va ishi to‘g‘risidagi hisobotlarni eshitadi;
• olimlarning ilmiy ishlari, ilmiy kashfiyotlari va ixtirolarini Davlat mukofotlariga, shuningdek shaxsiy medal va mukofotlarga taqdim etadi;
• har yili institutning “Samarali faoliyati uchun” ko‘krak nishonlari bilan taqdirlanadi;
• har yili alohida o‘rin olgan xodimlarni tegishli me’yoriy hujjatlarga muvofiq moddiy rag‘batlantirish fondidan mukofotlar bilan taqdirlaydi;
• institut xodimlarini faxriy unvonlar va boshqa mukofotlar bilan taqdirlaydi;
• O‘zbekiston Respublikasi Fanlar akademiyasi, tarmoq va boshqa fanlar akademiyalarining haqiqiy a’zosi (akademiklari) etib saylanish uchun nomzodlar ko‘rsatadi;
• ilmiy unvonlar berish to‘g‘risida Oliy attestatsiya komissiyasiga taklif kiritadi;
• ilmiy xodimlarning bo'sh o'rinlarini egallash uchun tanlovlar o'tkazadi.
• vakillik fondini tashkil etish masalalarini hal qiladi, uning miqdorini belgilaydi va o‘z mablag‘laridan foydalanish, shuningdek institutning ilmiy va tashkiliy faoliyati bilan bog‘liq boshqa masalalar bo‘yicha qarorlar qabul qiladi.